Å vere ein god venn for andre, og for meg sjølv

• I generell del av Kunnskapsløftet 2020 står det: Dei normene og verdiane som pregar læringsfellesskapen, har stor betydning for den sosiale utviklinga til elevane. Vennskap skaper tilhøyrsle og gjer oss alle mindre sårbare. Når vi sjølv opplever å bli anerkjend og vist tillit, lærer vi å verdsetje både oss sjølv og andre. Elevane skal lære å respektere ulikskap og forstå at alle har ein plass i fellesskapen.

• Folkehelse og livsmeistring: Aktuelle områder innenfor temaet er fysisk og psykisk helse, levevaner, seksualitet og kjønn, rusmidler, mediebruk, og forbruk og personlig økonomi. Verdivalg og betydningen av mening i livet, mellommenneskelige relasjoner, å kunne sette grenser og respektere andres, og å kunne håndtere tanker, følelser og relasjoner hører også hjemme under dette temaet. 

• Elevane skal kunne diskutere konsekvenser av utenforskap og forstå økonomisk og sosial verdi av arbeid på individ- og samfunnsnivå (utdanningsval).

Temaet denne timen er «Å vere ein god venn for andre, og for meg sjølv». Ungdomar er ofte svært opptatt av korleis dei kan vere ein god venn for andre, men mange er ikkje så gode på å vere ein god venn for seg sjølv. Difor fokuserer vi på begge deler denne timen. Samanlikn gjerne med det å sitte på flyet å få beskjed om å ta på si eiga luftmaske før ein hjelper andre. Skal vi klare å vere gode venner for andre over tid, må vi også ta vare på oss sjølv og vere snill og god med oss sjølv.

Det å ha venner som har det vondt kjennes vanskeleg for mange. Dei vil så gjerne vere til hjelp, men blir usikre på korleis dei kan få det til. I tidlegare undersøkingar vi har gjort er dette det temaet ungdom synes er aller viktigast av det dei har lært i Livet&Sånn: korleis dei kan vere ein god venn for nokon som har det vondt. I denne timen vert elevane også medvitne at vi har ulike ønsker for korleis vi ønsker å bli møtt når noko er vanskeleg. Det gir eit større repertoar å velje mellom, og opnar for at elevane kan spørre kvarandre korleis dei best kan hjelpe ved behov.

Det du skal ha med til denne timen er: 

• Print ut dei 4 arka til øvinga fire hjørne. 4 hjørne a (PDF, 12 kB)  4 hjørne b (PDF, 12 kB)  4 hjørne c (PDF, 11 kB)  4 hjørne d (PDF, 12 kB)
• Blanke ark som elevar kan notere eller teikne på.
• Instruksjonar til denne timen Instruksjonar for lærar - Venner 9. trinn NN (PDF, 288 kB) eller Instruksjoner for lærer - Venner 9. trinn BM (PDF, 296 kB)
• Vedlegg til oppgåve: Dette ville eg sagt - NN (PDF, 43 kB) eller Dette ville jeg sagt - BM (PDF, 44 kB)

Bruk gjerne leikar frå dette leikeheftet: io.kommune.no/tjenester/skole-og-utdanning/robust-ungdom/lekehefte/

Timen elevane skal ha om vennskap no i niande handlar om å vere ein god venn for andre, og vere ein god venn for seg sjølv. Når vi i Livet&Sånn har spurt elevar kva som er det viktigaste å lære om i timar om psykisk helse, svarar dei at det er korleis dei kan vere ein god venn for venner som har det vondt. Det er eit tema dei er svært opptekne av. Mange sit timesvis og pratar med venner om vonde tankar og følelsar. Ofte etter dei skulle sovna for natta. Det å leve seg inn i venner sine vanskar kan gjere vondt også for den som prøvar å hjelpe.

I denne timen prøver vi å lære ungdomane at det beste dei kan gjere for venner som har det vondt, ikkje treng å vere å sitte og lytte. Det å få med vennen sin ut i aktivitet, gjere på noko, få andre opplevingar, le litt saman - kan vere minst like viktig. Det å sørge for at venner får hjelp av vaksne er også ein fin ting. Bli med i den første samtalen med foreldre, helsesjukepleiar, miljøterapeut eller andre. Då blir terskelen kanskje lågare, og så kan ein som venn heller ha ei anna rolle enn å vere terapeut etterpå.

Det er også tydeleg at mange ungdomar er alt for strenge med seg sjølv. Slik dei snakkar til seg sjølv ville dei aldri funnet på å snakke til ein god venn! Difor er det fint å trene på å vere medfølande med seg sjølv. Vere ein like god venn for seg sjølv som for andre. Men dette kan vere veldig vanskeleg for mange, så snakk gjerne litt saman om det heime? Om du kikar litt på innhaldet i timen under her får du kanskje nokre idear til kva de kan snakke om? Sjølv om ungdomar kan sjå ut som dei ikkje vil at du skal bry deg, tek dei fleste ungdomar imot forståing, støtte og omsorg. Når du lever deg inn i deira situasjon og viser at du forstår, har du truleg ein betre sjanse til å nå fram med andre ting seinare.

Elevar kjem ofte til oss for å snakke om ting dei tenker på om venner. Alt frå at ein føler ein ikkje blir likt, ikkje er like bra som andre, om konfliktar som er vanskelege å løyse, eller at ein er bekymra for venner som ikkje har det bra. Slike tankar kan ta stor plass. Det er normalt med ulike typar vennskap, nære venner og venner som sviktar eller vel andre å vere med. Ungdom er naturlig nok opptatt av andre, har ønske om å vere ein god venn og ønske om å bli likt av andre.  

Helsesjukepleiar kan mykje om vennskap og det å inkludere, om å bygge sjølvbilde, kvardagsmot, om å heie på kvarandre, om følelsar og tankar. I samtale med helsesjukepleiar kan ein ved å sette ord på tankane sine, finne løysingar og moglege andre måtar å nærme seg andre på. Ved å ta i bruk ulike teknikkar/verktøy kan det bli lettare for den unge å møte dei andre og ein kan begynne å øve på det ein kjenner er vanskeleg eller utfordrande. I samtalen oppdagar gjerne den unge at det som er vanskeleg eller det den unge vert utsett for ikkje er greitt og at det er viktig å få hjelp og slutt på det som evt. skjer.  

Ungdom er mykje på sosiale media og mykje av vennskapa skjer og blir skapt der. Det er på godt og vondt. Nokon gongar kan slike vennskap skape uro og bekymring eller stele tid frå nattesøvnen. Det å sette grenser for seg sjølv i forhold til sosiale media kan vere noko å snakke med helsesjukepleiar om. Det kan også vere nyttig å snakke om det å kunne vere sin eigen bestevenn, det å trivast med livet og det å stelle godt med seg sjølv, tenke gode tankar om seg sjølv. Alt dette har med helse å gjere. Å ha fokus på helse er noko vi helsesjukepleiarar er opptatt av at ungdom skal bli bevisste på. 

Etter timane om dei ulike tema er det veldig fint om elevane får høve til å jobbe vidare med temaet. Oppgåvene under er laga slik at dei kan brukast fleksibelt. 

Vi anbefalar at elevane sjølve får velje kva oppgåve dei vil jobbe vidare med, og om dei vil jobbe individuelt eller i gruppe. 

Det er også mogleg for faglærar i ulike fag å velje ut ei eller fleire av desse og inkludere i opplæringa av andre fag. Alt som gjer at elevane får moglegheit til å fortsette å jobbe med desse temaene som dei sjølve har sagt dei ønsker å lære om, er bra! 

Kompetansemåla som står under kvar oppgåve er rettleiande. Det vil kunne vere fleire kompetansemål som er relevante i kvar oppgåve, og det kan vere at nokre av dei ikkje er relevante etter korleis de vel å bruke oppgåva, og korleis elevane vel å løyse den.

Skriv ei lita tekst om ungdom og venner. Teksta kan vere eit innlegg til Si-D SiD - Aftenposten eller ei anna avis, ein fagtekst som tek utgangspunkt i resultat frå Ungdata sjå side 6-9 i PowerPoint-presentasjon (ungdata.no), ei humoristisk tekst om ei misforståing blant venner, ei historie om nokon som har det vondt grunna eit vennskap som er over, eller ei analyse av ein aktuell musikkvideo/song om venskap.

Sjå gjerne denne teksta som inspirasjon Jeg har vært en mobber så lenge jeg kan huske (aftenposten.no)

Relevante kompetansemål

Eleven skal kunne bruke fagspråk og argumentere saklig i […] skriftlige framstillinger om norskfaglige og tverrfaglige temaer. (norsk)

Eleven skal utforske og reflektere over hvordan musikk, sang og dans som estetiske uttrykk er påvirket av og uttrykk for historiske og samfunnsmessige forhold. (musikk)

Lag ein podkast om ungdom og venskap, med tittel «slik er du ein god ven for deg sjølv» – gjerne på engelsk.

Relevante kompetansemål

Eleven skal kunne uttrykke seg med flyt og sammenheng med et variert ordforråd og idiomatiske uttrykk tilpasset formål, mottaker og situasjon (engelsk).

Eleven skal kunne stille spørsmål og følge opp innspill i samtaler om ulike emner tilpasset ulike formål, mottakere og situasjoner (engelsk).

Eleven skal kunne bruke fagspråk og argumentere saklig i diskusjoner, samtaler, muntlige presentasjoner og skriftlige framstillinger om norskfaglige og tverrfaglige temaer. (norsk)

Lag ein video, eller eit utkast til ein tiktok-film som oppfordrar andre til å ta vare på seg sjølv, til å vere ein god venn for seg sjølv.

Relevante kompetansemål

Eleven skal kunne reflektere over korleis identitet, sjølvbilete og eigne grenser blir utvikla og utfordra i ulike fellesskap, og presentere forslag til korleis ein kan handtere påverknad og uønskte hendingar. (samfunnsfag)

Eleven skal kunne utforske ulike plattformer for digital samhandling og reflektere over korleis digital deltaking og samhandling påverkar forma på og innhaldet i samfunnsdebatten. (samfunnsfag)

Eleven skal kunne utforske og vurdere hvordan digitale medier påvirker og endrer språk og kommunikasjon (norsk)

Eleven skal kunne identifisere og drøfte etiske problemstillinger knyttet til ulike former for kommunikasjon (KRLE)

Musikkvideoen Marshmello ft. Bastille - Happier (Official Music Video) - YouTube viser at vennskap til eit dyr kan hjelpe oss til å tole at andre ting i livet gjer vondt. Skriv eller lag noko som viser korleis dyr kan hjelpe oss til å vere ein god venn for oss sjølv.

Relevante kompetansemål

Eleven skal kunne bruke fagspråk og argumentere saklig i diskusjoner, samtaler, muntlige presentasjoner og skriftlige framstillinger om norskfaglige og tverrfaglige temaer. (norsk)

Digitale ferdigheter i kunst og håndverk innebærer å kunne bruke digitale verktøy og medier til inspirasjon, utprøving, dokumentasjon og presentasjon. Det innebærer også å bruke digitale verktøy og programmering i kreative og skapende prosesser. (kunst og handverk)

Songen: Vi Kanke Være Venner - YouTube handlar om vennskap som er vanskeleg, men har ingen god video som får fram bodskapen. Lag ei skisse til kva som kunne vore ein god video til denne songen. Kva ønskjer du å få fram? Korleis kunne ein filma dette? Kva ulike måtar kunne ein godt fram på for å få fram bodskapen i filmen? Beskriv, teikn eller film skissa. Bruk eventuelt coverversjonen til Julie Bergan P3 Live: Julie Bergan - «Vi Kanke Være Venner» (Unge Ferrari cover) - YouTube

Relevante kompetansemål

Eleven skal kunne utforske og formidle musikalske opplevelser og erfaringer, og reflektere over bruk av musikalske virkemidler. (musikk)

Eleven skal kunne lytte og prøve ut ulike uttrykk og begrunne valg i skapende prosesser fra idé til ferdig resultat. (musikk)

Eleven skal utforske og reflektere over hvordan musikk, sang og dans som estetiske uttrykk er påvirket av og uttrykk for historiske og samfunnsmessige forhold. (musikk)

Kunstprosjekt: Kva i kunstverda viser det å vere snill med seg sjølv? Eller er det meir som viser det å ikkje vere snill med seg sjølv? Kva kan ein bruke frå verkemiddel i kunst til å lage ei framstilling av seg sjølv som er positiv? Ingen fasit her: fri form og fri fargebruk. Oppgåva er å framstille seg sjølv positivt gjennom eit fritt uttrykk. 

Relevante kompetansemål

Eleven skal kunne analysere hvordan identitet og stedstilhørighet kommuniseres i arkitektur, klestradisjoner, kunst eller gjenstander, og integrere kulturelle referanser i eget skapende arbeid. (kunst og handverk)

Digitale ferdigheter i kunst og håndverk innebærer å kunne bruke digitale verktøy og medier til inspirasjon, utprøving, dokumentasjon og presentasjon. Det innebærer også å bruke digitale verktøy og programmering i kreative og skapende prosesser. (kunst og handverk)