Familiar

Til læraren

1. og 2. trinn har fått felles innhald også i familie. Det gir deg som lærar moglegheit til å velje kva du vil prioritere desse to åra, og du kan også velje å repetere noko andre året som klassa likte å jobbe med det første året. Temaet er stort, men samtidig nært. Elevar opplever at dette temaet er viktig og interessant. Dei får lære om eigen og andre sine familiar, og kanskje vert det sett ord på ting som elevane sjølv opplever, men ikkje har hatt eit språk for før.

Hovudfilmen i temaet inneheld mykje viktig, men går fort, og kan nok opplevast overveldande for dei små. Vi deler den difor opp i 2 bolkar. Sjå først starten, sjå på bilda og snakk om dette i rolegare tempo og jobb så med eigen og andre sine familiar.

Seinare i timen, eller gjerne ein annan time, kan de sjå den andre halvdel av filmen som handlar om det som ikkje alltid er bra i familiar, og opnar for meir sårbare tema. Også her er det lurt å sjå på bilda og snakke om dette i rolegare tempo etterpå. Så ligg der ulike oppgåver de kan velje mellom etter dette. Denne delen av filmen bør visast når det er nok tid igjen av timen til at du har moglegheit til å fange opp eventuelle reaksjonar elevar kan ha, så ikkje rett før eit friminutt eller på slutten av ein dag.

Sjå også Familie - for vaksne og send lenke til heimane slik at dei også kan ta del i Livet&Sånn

Det du treng til denne timen:

Andre aktivitetar de kan gjere i dette temaet:

Bruk fortellingane om dei ulike familiane frå Livet&Sånn barnehage.
Bruk Hva er barnevernet? / 1.-4. trinn / Jeg vet
lese bøker om familie
jobbe med familie før og no, kanskje kan elevane få i oppgåve å snakke med foreldre eller besteforeldre om korleis deira familie var når dei var små?
Forskjellen mellom familie i Noreg og i land i andre delar av verden. Har de elevar i klassa som er vand med familiar som er mykje større og meir samansette? Kanskje kan dei få fortelje og/eller vise bilde?
klarer de å finne noko om samiske familieformer?

Kompetansemål

Dette temaet kan gi opplæring innan kompetansemål der eleven skal kunne:

samtale om og beskrive hvordan ord vi bruker, kan påvirke andre (norsk).
beskrive og samtale om ulike måter å leve sammen på i familie og samfunn (KRLE).
reflektere over kvifor menneske har ulike meiningar og tek ulike val (samfunnsfag).
samtale om vennskap og tilhøyrsle og kva som påverkar relasjonar (samfunnsfag).
beskrive og gi døme på mangfald i Noreg, med vekt på ulike familieformer og folkegrupper, inkludert det samiske urfolket (samfunnsfag).
undre seg, utforske og lage spørsmål, og knytte dette til egne eller andres erfaringer (naturfag).
presentere funnene sine og beskrive hvordan eleven har kommet fram til dem (naturfag).