Ålesund kommune, Marit Brunstad
Korleis kan vi skape trygge og inkluderande fellesskap i skolen, når verdiar i samfunnet i aukande grad fremmer individet sine behov og rettar? Møre og Romsdal fylkeskommune inviterer til denne konferansen som ein del av vårt arbeid med Folkehelseprogrammet.
Folkehelseprogrammet er ei satsing for å fremme barn og unge si psykiske helse og livskvalitet, der «Frå utanforskap til innanforskap» er det overordna temaet her i fylket. Mobbeombodet i Møre og Romsdal og prosjektet Livet&Sånn i Ålesund kommune er medarrangørar til konferansen.
Med denne konferansen håper vi å inspirere til godt og målretta arbeid med å skape trygge og inkluderande fellesskap i skolane. For utan at individet kjenner at dei høyrer til i eit fellesskap, får dei heller ikkje dekka andre grunnleggande behov i skolen.
Skal kommunane lykkast med dette arbeidet, må alle bidra – både dei som jobbar i skole, foreldre som har barn på skolen, dei som på ulikt vis støttar skolane og dei som har ansvar som skoleeigar.
Konferansen er gratis og open for alle som ønsker å lære meir om korleis vi saman kan bygge gode fellesskap i skolen.
Gå til nettsida for konferansen for program og påmelding!