Denne timen passar godt å ha tidleg på hausten i 8. trinn - gjerne i kombinasjon med temaet følelsar i oktober. Gjer deg kjent med timen ved å sjå filmane og manuset ditt før du møter elevane. På instruksjonsarket ditt som ligg her: 8. trinn helsesjukepleiar Psykisk helse - til utskrift (PDF, 588 kB) står det godt forklart korleis du instruerer dei ulike punkta i timen. Dette er ikkje meint som eit manus å lese frå - men som inspirasjon til omtrent kva du skal seie. Print ut dette arket og ta det med som støtte til timen.
Elevane skal jobbe i grupper (2-6 elevar) med dette arket Kva påverker følelsar (PDF, 153 kB) Print ut nok ark til at kvar gruppe får eitt kvar - gjerne i A3-format.
Det er finast om innhaldet på sida dekker heile skjermen, så zoom inn slik at kvart bilde dekker. Når du viser filmane kan du godt trykke på firkanten nedst til høgre på filmen slik at de får sjå den i fullskjerm. Då trykker du "Esc" for å kome tilbake til sida.