Psykisk helse - kropp

• Folkehelse og livsmeistring: Aktuelle områder innenfor temaet er fysisk og psykisk helse, levevaner, seksualitet og kjønn, rusmidler, mediebruk, og forbruk og personlig økonomi. Verdivalg og betydningen av mening i livet, mellommenneskelige relasjoner, å kunne sette grenser og respektere andres, og å kunne håndtere tanker, følelser og relasjoner hører også hjemme under dette temaet.
• I naturfag handler det tverrfaglige temaet folkehelse og livsmestring om å gi elevene kompetanse til å forstå sin egen kropp og ivareta sin egen fysiske og psykiske helse.
• Eleven skal kunne drøfte korleis kosthald kan bidra til god helse, og bruke digitale ressursar til å vurdere eige kosthald og til å velje sunne og varierte matvarer i samband med matlaging + gjere greie for og kritisk vurdere påstandar, råd og informasjon om kosthald og helse. (mat og helse)

Denne timen handlar om kva elevane kan gjere for å ta vare på den psykiske helsa si, gjennom å ta vare på kroppen.

Noko av det viktigaste, og ofte vanskelegaste, for ungdom er å få nok søvn. I ungdomstida er det mange ungdommar som får det vi kallar eit biologisk forskjøvet søvnmønster. Prosessane i kroppen som skal føre til søvn startar seinare på natta, og dei har difor behov for å sove lenger om morgonen for å få nok timar med søvn. Fordi skule startar tidleg, må dei likevel opp, og dei blir trøtte og uopplagte på skulen. Det er viktig at du som lærar veit at det ikkje berre er “å skjerpe seg og legge seg tidlegare utan skjerm” for alle. Mange vil gjerne sove meir, og legg seg tidleg og gjer “alt rett”, men vert liggande vaken. Desse kan ha nytte av spesialtilpassa råd frå helsesjukepleiar, fastlege eller andre som arbeider med søvn. Andre derimot kan fint klare å få nok søvn om dei har såkalla god søvnhygiene, at dei følger gode råd for god søvn - slik de skal lære om i denne timen.

I «jobbe vidare» har vi lagt eit lite tema om hygiene i puberteten. Denne delen treng de ikkje bruke i alle klasser. Vi veit likevel at nokre elevar kan trenge ei vennleg påminning om at ein med enkle grep kan sjå og lukte velstelt ut, noko som kan vere fint for å bli godtatt i flokken. Så de kan bruke denne delen av timen om den kan vere nyttig.

Det du skal ha med til timen er:

• Vedlegget Mitt døgn (PDF, 88 kB) eller Mitt døgn bokmål.pdf (PDF, 93 kB)
• Instruksjonar for lærar - Kropp 8. trinn NN.pdf (PDF, 476 kB) eller 
• Instruksjonar for lærar - Kropp 8. trinn BM.pdf (PDF, 519 kB)
• Poengskjema ABC - NN.pdf (PDF, 60 kB) eller 
• Poengskjema ABC - BM.pdf (PDF, 68 kB)
• Blanke ark å teikne på

Kva rolle speler kroppen i psykisk helse? Og korleis kan vi bruke kroppen til å skape god psykisk helse?

I samfunnet vårt har vi gjennom tidene ofte snakka om kropp og psyke som to separate byggesteinar i korleis vi er skrudd saman som menneske. Dette har vist seg å vere eit noko kunstig skilje. Om psykisk helse handlar om korleis vi har det med tankar og følelsar i kvardagen, har kroppen også ei stor rolle i dette:

Vi kjenner følelsar i kropp. Når kroppen har smerter vil det vanlegvis påverke både tankar, følelsar og handling/fungering. Vonde opplevingar, stress og psykiske smerter kan føre til sjukdomstilstandar i kroppen. Kroppsbildeforstyrring/eteforstyrring er definert som ein psykisk liding, men symptomet visast gjennom kroppen. Slik er det også med sjølvskading. Nokre ungdommar påfører kroppen smerte for å handtere smertefulle tankar og følelsar.

På den andre side har forskning på unge og psykisk helse vist at fysisk aktivitet kan ha stor effekt på depresjon, eller for å førebygge depresjon. Spesielt hos gutar. Og om kroppen får dekt behov for sunn mat, aktivitet og søvn handterer vi ofte tankar og følelsar betre. Her har vi som foreldre viktige oppgåver for å hjelpe ungdomane våre.

Ungdom treng mykje søvn, helst 8-10 timar søvn pr. natt! Korleis kan dei få til det? Mange ungdommar opplever det vi kallar eit biologisk forskjøvet søvnmønster. Prosessane i kroppen som skal føre til søvn startar seinare på natta, og dei har difor behov for å sove lenger om morgonen for å få nok timar med søvn. Fordi skolen startar tidleg, må dei likevel opp, og dei blir trøtte og uopplagte. Mange vil gjerne sove meir, og legg seg tidleg og gjer “alt rett”, men vert liggande vaken. Desse kan ha nytte av spesialtilpassa råd frå helsesjukepleiar, fastlege eller andre som arbeider med søvn. Andre derimot kan fint klare å få nok søvn om dei har såkalla god søvnhygiene, at dei følger gode råd for god søvn - slik dei får lære om i denne timen.

I timen får dei også lære litt om andre ting dei kan gjere for å ta vare på kroppen for å ta vare på si psykiske helse. Det er fint om de heime også ser litt på dei filmane og oppgåvene som ligg her, og kanskje kan de prate litt heime om kva som skal til for at ungdommen skal klare å gjere det dei treng for å ha det bra.

Skolehelsetenesta bidrar til at elevar skal lære om kroppen, korleis gjere gode val for kroppen sin og ta vare på helsa si. Helsesjukepleiar samarbeider med skolen om undervisning og helseopplysning på ulike trinn eller i grupper. I retningslinjene til helsesjukepleiar er det føringar på at helsesjukepleiar på 9. trinn skal undervise om seksuell helse. Her vert ulike tema tatt opp og repetert: Kva er seksuell helse, kroppen si naturlege utvikling og mangfald, seksualitet, kjønnsidentitet, det gode ved seksualitet og det som kan vere vanskeleg. Porno, overgrep, abort og prevensjon, kjønnssjukdommar vert også belyst og snakka om. Grensesetting og samtykke er viktige tema å ta med her.  

Helsesamtale er noko helsesjukepleiar har med alle elevane på 8 trinn. Det er ein individuell samtale  i skoletida der fokuset er på helse og trivsel på skole, heime og i fritida, kost og søvnvaner, andre vaner og val som påverkar helsa. Helsesjukepleiar vil oppmuntre og gi råd som underbygger gunstige vaner som er bra for kroppen og helsa. Elevane får også tilbod om oppfølgingssamtaler ved behov.  

Nokon elevar kjem til oss med tankar rundt eige kjønn og identitet. Nokon har spørsmål kring det med seksualitet og prevensjon. Helsesjukepleiarane har kunnskap om ulike tema innan identitet og seksuell helse og ynskjer å vere ein trygg vaksen som unge kan diskutere alt med, også det som kan vere vanskeleg.  

Mange unge deler at dei kjenner på kroppspress og det skaper ulike ubehag i den unge som også kan påverke dagen på skolen og livet elles. Det kan også føre til endringar i forhold til kosthald og trening. Det kan vere lurt å søke hjelp når dette vert uhandterleg. Vi ser til tider eit større omfang av spiseforstyrring/problem. Dette er gjerne måten ungdommen vil ta kontroll og meistre det som har med kroppsbilete å gjere, men også andre vanskelege ting i livet. Helsesjukepleiar kan også vere til støtte/rettleie i denne fasen og kan kanalisere vidare til andre med fagkompetanse på feltet. 

Etter timane om dei ulike tema er det veldig fint om elevane får høve til å jobbe vidare med temaet. Oppgåvene under er laga slik at dei kan brukast fleksibelt. 

Vi anbefalar at elevane sjølve får velje kva oppgåve dei vil jobbe vidare med, og om dei vil jobbe individuelt eller i gruppe. 

Det er også mogleg for faglærar i ulike fag å velje ut ei eller fleire av desse og inkludere i opplæringa av andre fag. Alt som gjer at elevane får moglegheit til å fortsette å jobbe med desse temaene som dei sjølve har sagt dei ønsker å lære om, er bra! 

Kompetansemåla som står under kvar oppgåve er rettleiande. Det vil kunne vere fleire kompetansemål som er relevante i kvar oppgåve, og det kan vere at nokre av dei ikkje er relevante etter korleis de vel å bruke oppgåva, og korleis elevane vel å løyse den.

Lag ei forslag til musikkvideo, eller beskriv korleis ein kunne laga ein musikkvideo til Ina Wroldsen - Body Parts (Lyric Video) - YouTube 

Relevante kompetansemål

Eleven skal kunne utforske og formidle musikalske opplevelser og erfaringer, og reflektere over bruk av musikalske virkemidler. (musikk) 

Eleven skal kunne lytte og prøve ut ulike uttrykk og begrunne valg i skapende prosesser fra idé til ferdig resultat. (musikk) 

Lag ein podkast ungdom og søvn. Podkasten kan gjerne vere på engelsk. Bruk filmane frå timen og sjå eventuelt også  NRK Super - Newton om ASMR, som mange ungdommar likar å bruke for å få sove.

Relevante kompetansemål

Eleven skal kunne uttrykke seg med flyt og sammenheng med et variert ordforråd og idiomatiske uttrykk tilpasset formål, mottaker og situasjon (engelsk). 

Eleven skal kunne stille spørsmål og følge opp innspill i samtaler om ulike emner tilpasset ulike formål, mottakere og situasjoner (engelsk). 

Eleven skal kunne bruke fagspråk og argumentere saklig i diskusjoner, samtaler, muntlige presentasjoner og skriftlige framstillinger om norskfaglige og tverrfaglige temaer. (norsk) 

Skriv ein tekst om kropp og psykisk helse. Tittel kan til dømes vere: «Eg får ikkje sove!» «Mat og følelsar» «Å skilje mellom psykisk og fysisk helse er tullete» «10 gode råd for god psykisk helse» «Det som IKKJE gir ungdom god psykisk helse» Teksta kan vere artikkel, innlegg, fagtekst, humoristisk tekst, historie, analyse av ein song om følelsar eller liknande. 

Eventuelt kan de sjå Sonja.iren (@sonja.iren) TikTok | Watch Sonja.iren's Newest TikTok Videos og skrive ein tekst om kroppspositivisme og psykisk helse.

Relevante kompetansemål

Eleven skal kunne bruke fagspråk og argumentere saklig i […] skriftlige framstillinger om norskfaglige og tverrfaglige temaer. (norsk) 

Eleven skal utforske og reflektere over hvordan musikk, sang og dans som estetiske uttrykk er påvirket av og uttrykk for historiske og samfunnsmessige forhold. (musikk) 

Lage video eller utkast til TikTok som gir informasjon eller tips om kva som kan gi god søvn, eller om å ta vare på kroppen. 

Relevante kompetansemål: 

Eleven skal kunne utforske ulike plattformer for digital samhandling og reflektere over korleis digital deltaking og samhandling påverkar forma på og innhaldet i samfunnsdebatten. (samfunnsfag) 

Eleven skal kunne utforske og vurdere hvordan digitale medier påvirker og endrer språk og kommunikasjon (norsk) 

Eleven skal kunne identifisere og drøfte etiske problemstillinger knyttet til ulike former for kommunikasjon (KRLE) 

Lag ein dans, eit rollespel, eller ein song som handlar om kropp og psykisk helse

Relevante kompetansemål:

Eleven skal kunne øve på og gjennomføre danseaktivitetar frå ungdomskulturar og andre kulturar, og saman med medelevar skape og presentere dansekomposisjonar. (kroppsøving) 

Eleven skal kunne utøve et variert repertoar av musikk, sang, andre vokale uttrykk og dans. (musikk) 

Eleven skal kunne samarbeide med andre om å planlegge og gjennomføre øvingsprosesser hvor det inngår selvvalgt sang, andre vokale uttrykk, spill på instrumenter eller dans, og formidle resultatet i gruppe eller individuelt. (musikk) 

Eleven skal kunne skape og programmere musikalske forløp ved å eksperimentere med lyd fra ulike kilder. (musikk) 

Kva er typiske verdiar vi forbinder med kropp og psykisk helse? Finn eksempel i seriar/filmar/musikkvideoar du har sett som viser verdiar du synes er viktig. Og lag ein presentasjon av desse. 

Relevante kompetansemål:

Kjerneelementet oppleve musikk legger vekt på at elevene lytter aktivt og sansende. Dette åpner for emosjonelle erfaringer fra det hverdagslige til de eksistensielle møtene med musikk, og gir elevene øvelse i å gi uttrykk for musikalske erfaringer. Kunnskap om og erfaring med musikk og musikalske virkemidler er utgangspunktet for en reflektert og utforskende tilnærming til musikkopplevelsen. (musikk) 

Lage teikning/skisse/digital teikning som viser dine tankar om tema frå timen om kropp og psykisk helse. Presentere val av teknikk og tankane bak teikninga (kan også gjerast digitalt ved å spele inn lyd). 

Relevante kompetansemål:

Eleven skal kunne visualisere form ved hjelp av frihåndstegninger, arbeidstegninger, modeller og digitale verktøy. (kunst og handverk) 

Lag eit utkast til spørjeundersøking om søvn, eller eit anna tema i kropp og psykisk helse. Korleis må ei slik undersøking vere utforma for at den kan vere lovleg å gjennomføre med tanke på personvern? Kva informasjon ønskjer ein å få inn gjennom ei slik undersøking? Kva kan ein bruke informasjonen til? 

Relevante kompetansemål:

Eleven skal kunne analysere og bruke innsamlede data til å lage forklaringer, drøfte forklaringene i lys av relevant teori og vurdere kvaliteten på egne og andres utforskinger. (naturfag)