Livet&Sånn sitt materiale for Trygg i august er litt annleis enn resten av året. Skuledelen av august er kort, og det viktigaste i oppstarten er å etablere ei trygg klasse med trygge elevar. Innhaldet du finn under her, kan brukast i ein konkret Livet&Sånn-time, men det kan også brukast litt kvar dag desse første vekene. Målet er å etablere eit felles språk for det å ha det trygt og godt saman på skulen, og at elevane skal vite kva dei kan gjere om dei er utrygge, og kva dei kan gjere for å vere med å lage skulen trygg for seg sjølv og alle andre.

Forklaringar og meir innhald ligg her: Instruksjonar for lærar - Trygg 5. trinn (PDF, 198 kB)

Nedst på sida ligg gråe boksar for god skolevenn og god elev. Desse er primært laga for småskolen, men kanskje vil de bruke noko av det likevel?

I temaet Trygg har vi lagt vekt på å etablere trygge klasserom og trygge elevar i starten av nytt skuleår. I generell del av læreplanen står det «Eit raust og støttande læringsmiljø er grunnlaget for ein positiv kultur der elevane blir oppmuntra og stimulerte til fagleg og sosial utvikling. Kjenner elevane seg utrygge, kan det hemme læringa. Trygge læringsmiljø blir utvikla og haldne ved lag av tydelege og omsorgsfulle vaksne, i samarbeid med elevane.» Elevane si rett til trygge læringsmiljø er også nemnt spesifikt i opplæringslova § 9 A-2. Retten til eit trygt og godt skulemiljø «Alle elevar har rett til eit trygt og godt skolemiljø som fremjar helse, trivsel og læring.»

Dette er såleis ikkje primært retta mot konkrete kompetansemål, men handlar om det trygge miljøet som må etablerast for at elevane skal kunne nå kompetansemål i alle fag. Først må ein vere trygg, så kan ein lære.

Eit konkret kompetansemål i samfunnsfag er å: « - gi døme på kva lover, reglar og normer er og kva slags funksjon dei har i samfunn, og reflektere over konsekvensar av å bryte dei». Dette er aktuelt i arbeidet med opplæringslova sin paragraf om retten til trygt og godt skulemiljø.