Denne timen handlar om ulikheitene som ikkje synes så godt utanpå. Elevane er ulike i læringsstil, i grad av sensitivitet for lydar og stemning, ulike i aktiveringsnivå og i konsentrasjon. Samtidig skal alle helst fungere i omtrent heilt like forhald i klasserommet. Det går fint for mange, og er skikkeleg vanskeleg for andre. Som lærar kan det kjennast nesten umogleg å skape eit læringsmiljø som passar godt nok for alle dei ulike elevane i rommet.
I denne timen vert elevane sjølve meir klar over kor ulike dei er inni. Og at det å vere ulike er heilt greitt. Det er ikkje ein måte å vere på som er rett og ein som er feil, men det kan vere slitsamt å upraktisk å vere rastlaus og aktiv, eller sensitiv og sårbar i eit klasserom. Samtidig kan det hjelpe at elevane som har det slik opplever at dei blir trudd og forstått på si oppleving av situasjonen.
Det er mykje ein kan gjere for å tilpasse til ulike behov. Nokre elevar bør til dømes få sitte inntil ein vegg, eller ikkje bytte plassar så mykje. Andre bør ha moglegheit til å bevege seg i løpet av stillesittande læringsøkter. Nokre treng noko stille fingrane kan fikle med når ein skal lytte. Mange treng visuell støtte om kva som skal skje vidare i løpet av dagen. Kanskje får du nokre tips frå elevane i denne timen som de kan prøve ut?
Sjå også “Mangfold - for voksne” og send lenke til heimane slik at dei også kan ta del i Livet&Sånn
Det du treng til denne timen:
Andre aktivitetar de kan gjere i dette temaet: